काठमाडौं, ४ जेठ । उदयपुरका कोरोना संक्रमित पत्रकारसँग सम्पर्कमा रहेका सत्तारुढ नेपाल कम्युनिस्ट पार्टीका उदयपुर अध्यक्ष विनोद कटुवाल आइतबार आफैं अस्पतालको आइसोलेशनमा भर्ना भएका छन् ।
आफूलाई कोरोना संक्रमणको शंका भएपछि अस्पतालको आइसोलेशनमा पुगेको कटुवालले बताए ।
शुक्रबार कोरोना पुष्टि भएका २५ वर्षीय पत्रकारसँग कटुवाल सम्पर्कमा थिए । संक्रमित पत्रकार र अध्यक्ष कटुवाल सदरमुकाम गाईघाटमा एउटै घरमा बस्दै आएका थिए । अध्यक्ष कटुवाल र पत्रकारले भान्सासमेत एउटै प्रयोग गर्थे ।
घरमा बस्दा परिवार र समाजका अन्य सदस्यलाई पनि समस्या हुने भएकाले अस्पतालको आइसोलेशनमा पुगेको कटुवालले सार्वजनिक गरेका छन् ।
कटारी नगरपालिका–२ गुँरास अस्पतालको आइसोलेसनमा भर्ना भएका अध्यक्ष कटुवाल अब चिकित्सको प्रत्यक्ष निगरानीमा छन् । संक्रमित पत्रकारसँगै सम्र्पकमा रहेका दुईमध्ये एक उदयपुर जिल्ला अस्पतालको आइसोलेसन र अर्का क्वारेन्टाइनमा राखिएका छन् । संक्रमित भएका पत्रकारसँगको सम्पर्कमा रहेका अन्य दर्जन बढीको ट्रेसिङको काम भइरहेको छ ।
उदययपुरमा कोरोना संक्रमितको संख्या ३३ पुगेको छ । त्यसमध्ये १५ जना उपचारपछि डिस्र्चाज भइसकेका छन् ।