लण्डन, २६ वैशाख । काेराेना भाइरस (काेभिड १९) सङ्क्रमणकाे कारण अहिलेसम्म विश्वभर दुई लाख ६८ हजार नाै सयभन्दा धेरैकाे ज्यान गएकाे छ । ३८ लाख ३६ हजार दुई सयभन्दा धेरैमा सङ्क्रमण पुष्टि भएकाे छ ।
अमेरिका विश्वकाे सबैभन्दा धेरै प्रभावित देश हाे । अमेरिकामा मात्रै १२ लाख ५४ हजार सात सयभन्दा धेरैमा सङ्क्रमण पुष्टि भएकाेमा ७५ हजारभन्दा धेरैकाे ज्यान गइसकेकाे छ ।
अमेरिकापछि बेलायतकाे काेभिड–१९ बाट सबैभन्दा धेरै प्रभावित बनेकाे छ । बेलायतमा सङ्क्रमणकाे कारण ३० हजार ६ सयभन्दा धेरैकाे ज्यान गएकाे छ भने दुई लाख सात हजार नाै सयभन्दा धेरैमा सङ्क्रमण पुष्टि भएकाे छ ।
इटलीमा अहिलेसम्म २९ हजार नाै सयभन्दा धेरैकाे ज्यान गएकाे छ । सङ्क्रमणकाे कारण ज्यान गुमाउने आधारमा इटली तेस्राे नम्बरमा छ । इटलीमा दुई लाख १५ हजार आठ सयभन्दा धेरैमा सङ्क्रमण पुष्टि भएकाे छ ।
स्पेनमा ज्यान गुमाउनेकाे सङ्ख्या २६ हजारभन्दा धेरै छ । त्यस्तै दुई लाख २१ हजार चार सयभन्दा धेरैमा सङ्क्रमण पुष्टि भएकाे छ ।
फ्रान्समा ज्यान गुमाउनेकाे सङ्ख्या झण्डै २६ हजार पुग्न लागेकाे छ । फ्रान्समा एक लाख ७४ हजार नाै सयभन्दा धेरैमा सङ्क्रमण पुष्टि भएकाे छ ।
फ्रान्समा बुधबार दुई सय ७८ जनाकाे ज्यान गएकाे थियाे । बिहीबार ज्यान गुमाउनेकाे सङ्ख्या एक सय ७८ छ । फ्रान्सका प्रधानमन्त्रीले लकडाउनमा केही छुट दिने बताएका छन् तर पेरिस र उत्तर–पूर्वमा प्रतिबन्ध यथावत् रहिरहनेछ ।
इटलीमा पनि काेभिड–१९ बाट ज्यान गुमाउनेकाे सङ्ख्यामा कमी आएकाे छ । बुधवार इटलीमा दुई सय ७४ जनाकाे ज्यान गएकाे थियाे, बिहीवार याे सङ्ख्या केहीले घट्याे ।
स्पेनमा बुधबार दुई सय ४४ जनाकाे ज्यान गएकाे पुष्टि भएकाे थियाे तर बिहीवार याे सङ्ख्या दुई सय १३ मा झरेकाे छ । स्पेनकाे संसदमा बुधवार राति आपत्काल दुई हप्ता बढाउनकाे लागि मतदान भयाे, जसका कारण मानिसकाे गतिशीलतामा अझै नियन्त्रण गर्न सकियाेस् ।
युराेपेली सङ्घकाे सदस्य देशमध्ये पाेल्याण्डमा मृत्युदर कुनै दाेस्राे देशकाे तुलनामा कम छ । पाेल्याण्डमा पछिल्लाे २४ घण्टामा तीन सय २४ जनामा सङ्क्रमण पुष्टि भएकाेमा २२ जनाकाे ज्यान गएकाे छ ।
क्यालिफाेर्नियाका गभर्नर गेविन न्युजाेमले प्रान्तका केही व्यवसायमा केही छुट दिने बताएका छन् ।
भारतकाे स्वास्थ्य एवम् परिवार कल्याण मन्त्रालयका अनुसार भारतमा ५२ हजार नाै सयभन्दा धेरैमा सङ्क्रमण पुष्टि भएकाेमा १५ हजार दुई सय ६७ जना निकाे भएका छन् । सङ्क्रमणकाे कारण अहिलेसम्म एक हजार सात सय ८३ जनाकाे ज्यान गएकाे छ ।
नेपालमा हिजाे दुई जना सङ्क्रमित थपिएसँगै एक सय एक जनामा सङ्क्रमण पुष्टि भएकाे छ भने अहिलेसम्म २२ जना निकाे भएका छन् ।
जीबी राईको पासपोर्ट रद्द गर्न कास्की अदालतद्वारा अस्वीकार
बबई नदिमा डुबेर दाजुभाइको मृत्यु
हेर्दाहेर्दैमा परेको सन्दीपको मुद्दामा आज पनि सुनुवाइ
शर्मिला बनिन् ब्युटिसियन ट्यालेन्ट नेपाल
सन्दीपको मुद्दा आज पनि हेर्दाहेर्दैमा
एमाले तनहुँको अध्यक्षमा कँडेल विजयी, कुन पदमा को-को भए निर्वाचित ?
तीनकुने जग्गाको विवाद समाधान गर्न गृहमन्त्री लामिछानेको ध्यानाकर्षण
नेप्से परिसूचक नौ दशमलव ५४ अङ्कले घट्यो
एमालेको बारेमा विचार पुर्याएर बोल्न कांग्रेसका नेताहरुलाई अध्यक्ष ओलीको चेतावनी
कांग्रेसको बदमासीको कुरा उठाउँछौँ, अब बकवास सुन्न तयार छैनौँ : केपी ओली
प्रधानमन्त्री प्रचण्ड, एमाले अध्यक्ष ओली र गृहमन्त्री लामिछानेबीच छलफल
एमाले संसदीय दलको बैठक जारी
