काठमाडौँ, ७ वैशाख । कपिलवस्तुमा लकडाउन उल्लङ्घन गरी मस्जिदमा नमाज पढ्ने १४ जनालाई प्रहरीले पक्राउ गरेको छ ।
सामूहिक नमाज पढ्ने १४ जना आइतबार दिउँसो पक्राउ परेका हुन् । उनीहरु मायादेवी गाउँपालिका ७ स्थित मस्जिदमा नमाज पढ्ने स्थानीयहरु पक्राउ परेका हुन् ।
उनीहरूलाई इलाका प्रहरी कार्यालय, बकडीबाट गएको प्रहरी टोलीले नियन्त्रणमा लिएको हो ।
लकडाउनको उल्लंघन नगर्न अनुरोध गरिएपनि नमानेपछि उनीहरु पक्राउ परेका हुन् ।
कोरोना नियन्त्रणको जोखिमलाई कम गर्न त्यहाँ धार्मिक स्थलमा भीडभाड नगर्न सार्वजनिक अपील गरिँदै आएको छ ।
प्रतिक्रिया