शुक्रबार, २८ चैत २०७६
DainikNepal.com
शुक्रबार, २८ चैत २०७६

जथाभावी बाेल्दा ट्राेल भइन् नेहा धुपिया

दैनिक नेपाल २०७६ चैत ५ गते ९:१९

मुम्बई । बलिउड अभिनेत्री नेहा धुपिया ट्रोलको शिकार भएकी छन्। भारतीय रियालिटी सो रोडिजमा दिएको अभिव्यक्तिका कारण उनको आलोचना भइरहेको छ ।

रोडिजको एपिसोडमा सहभागी युवाले आफ्नी प्रेमिकाले धोका दिइरहेको थाहा पाएपछि झापड हानेको प्रतिक्रिया दिएलगत्तै अभिनेत्री धुपियाले उनलाई गाली गरेकी थिइन् ।

उनले यी युवतीको पक्ष लिएर सहभागी प्रतियोगीलाई हात उठाउने अधिकार नभएको बताएलगत्तै उनी ट्रोलको शिकार भएकी थिइन् ।

सामाजिक सञ्जालमा नेहाविरुद्ध अभिव्यक्तिहरू आइरहेका छन् । उनले आफ्नो अभिव्यक्तिलाई गलत व्याख्या गरिएको भन्दै महिलाविरुद्ध हुने हिंसा सहन नसक्ने प्रतिक्रिया दिएकी थिइन् ।

सामाजिक सञ्जाल इन्स्टाग्राममा उनले भनेकी छन्, ‘ती युवतीले गरेका काम उनको नैतिक अधिकार र व्यक्तिगत विषयका कुरा हुन्। मैले सम्बन्धमा धोकालाई महत्व दिन खोजेको होइन। ती युवतीको सुरक्षाको विषयमा बोलेको हो ।’

प्रतिक्रिया
सम्बन्धित