दैलेखमा घाँस काट्न गएकी रुखबाट लडेर मृत्यु

दैलेख, १८ फागुन । दैलेखमा घाँस काट्न गएकी एक महिलाको रुखबाट लडेर ज्यान गएको छ ।

भैरवी गाउँपालिका ४ को डाँडीमाडीकी ४५ वर्षीया पदमकुमारी रिजालको रुखबाट लडेर ज्यान गएको भैरवी गाउँपालिका ४ का वडाध्यक्ष बीरेन्द्र शाहीले जानकारी दिए ।

घर नजिकैको स्याउले हाडा जङ्गलमा घाँस काट्दै गरेको सालको रुखबाट लडेर शनिबार साँझ उहाँको घटनास्थलमै ज्यान गएको हो ।

मृतक रिजाल गौरी माध्यमिक विद्यालय बालेकाँडाको विद्यालय व्यवस्थापन समितिकी सदस्य पनि हुनुहुन् ।