कोरिया जाने कामदारको उडान रोकियाे

काठमाडौँ, ११ फागुन । कोरोना भाइरसको संक्रमणका कारण सरकारले दक्षिण कोरियामा कामदार पठाउन रोक लगाएको छ ।

श्रम विभाग अन्तर्गतको ईपीएस कोरिया शाखाले कोरियामा कोरोना भाइरसको संक्रमण बढ्दै गएपछि गत हप्तादेखि कोरिया जाने कामदारहरुको उडान रोकेको हो ।

उनले कोरियास्थित दूतावाससँग सल्लाह गरेरै उडान रोकिएको बताइएको छ । सन् २०२० मा करिब साढे ७ हजार नेपाली कोरिया जाँदैछन् ।

तर, कोरियामा कोरोनाको संक्रमण फैलिँदै गएपछि आफ्ना नागरिकलाई सुरक्षित राख्न त्यहाँको अवस्था हेरेर मात्रै कामदारलाई पठाउन सुरु गरिएको छ ।

कामदारलाई सुरक्षित बनाउन ईपीएस शाखाले यस्तो कदम चालेको बताइएको छ ।