पाँचथर, ३ फागुन । भ्रूण हत्या गरेको आरोप लागेपछि पाँचथरको कुम्याक गाउँपालिकाका अध्यक्ष फरार भएका छन् । गाउँपालिका अध्यक्ष चेम्जोङले एक युवतीसंग विवाह गरी जबर्जस्ती गर्भपतन गराएको आरोप अध्यक्ष चेम्जोङमाथि लागेको छ ।
१९ वर्षीया युवतीले अध्यक्षसहित सात जनाविरुद्व प्रहरीमा किटानी जाहेरी दिएपछि अध्यक्ष फरार भएका हुन् । प्रहरीले गर्भपतनमा संलग्न फिदिमको समर्पित अस्पतालका तीन स्वास्थ्यकर्मीलाई भने पक्राउ गरिसकेको छ ।
प्रहरीका अनुसार किशोरीको गर्भमा रहेको भ्रूण गत पुस २४ राति फालिएको थियो । किशोरीले किटानी जाहेरी भने झन्डै एक महिनापछि माघ २२ मा दिएकी थिइन् ।
प्रहरीले फरार अध्यक्षसहित अन्यको खोजी भइरहेको जनाएको छ ।
प्रतिक्रिया
सम्बन्धित
सिफारिस