काठमाडौँ, २ फागुन । प्रधानमन्त्री केपी शर्मा ओलीले आज दुई बजे प्रतिनिधिसभामा सम्बोधन गर्ने निर्धारित कार्यक्रम स्थगित भएको छ ।
संघीय संसदका बहालवाला राष्ट्रिय सभाका सांसद दुर्गाप्रसाद उपाध्यायको निधन भएपछि सम्बोधन स्थगित भएको प्रधानमन्त्रीका प्रेस सल्लाहकार सूर्य थापाले जानकारी दिनुभएको छ ।
प्रधानमन्त्री ओलीको प्रतिनिधिसभामा सम्बोधन भोली शनिबार बिहान ११ बजे गर्ने कार्यक्रम रहेको सल्लाहकार थापाले जानकारी दिनुभयो ।
प्रमुख प्रतिपक्षी नेपाली कांग्रेसले आफ्ना सांसद दुर्गाप्रसाद उपाध्यायको निधनले शोक परेको भन्दै प्रतिनिधिसभा बैठकमा प्रधानमन्त्रीको सम्बोधन स्थगित गर्न माग गरेको थियो ।
प्रतिक्रिया
सम्बन्धित
सिफारिस