चितवन, २८ माघ । चितवनको माडीमा सोमबार राती भएको मोटरसाइकल दुर्घटनामा नेपाल कम्युनिस्ट पार्टीका स्थानीय नेता दामोदर बस्यालको मृत्यु भएको छ ।
माडी नगरपालिकाको बगइबाट घरतिर जाँदै गरेका बस्यालले चलाएको प्रदेश नं.३–००१प–३५९६ नम्बरको मोटरसाइकल वडा नं. ६ स्थित तमुचोकमा अनियन्त्रित भएर पल्टिएको थियो ।
गम्भिर घाइते बस्यालको भरतपुरस्थित अस्पतालमा उपचारका क्रममा मृत्यु भएको थियो । बस्यालको पार्थिव शरिरमा नेकपा चितवन अध्यक्ष यमबहादुर परियार र माडी नगरप्रमुख ठाकुर ढकालले झण्डा ओढाएका थिए । बस्यालले अनेरास्ववियुबाट कम्युनिस्ट राजनीति गरेका थिए ।
प्रतिक्रिया
सम्बन्धित
सिफारिस