चितवन, १९ माघ । गौतमबुद्ध अन्तर्राष्ट्रिय क्रिकेट रङ्गशालालाई आर्थिक सहयोग जुटाउन आजदेखि शुरु श्रीमद्भागवत महापुराण एवं धनधान्याञ्चल महोत्सवको २२ बिधाका राष्ट्रिय खेलाडीहरुले उद्घाटन गरेका छन् । उनीहरुले रिमोटबाट पर्दा हटाएर औपचारिक रुपमा महायज्ञको शुभारम्भ गरेका हुन् ।
भरतपुर महानगरपालिका–१५ रामपुरमा रङ्गशाला निर्माणाधीन स्थलमा माघ २६ गतेसम्म आयोजना हुने महायज्ञको शुभारम्भ समारोहमा हास्य कलाकार मदनकृष्ण श्रेष्ठ, हरिवंश आचार्य, प्रमुख बाचक पण्डीत दिनबन्धु पोख्रेलसहित जिल्लाका राजनीतिक दलका प्रमुख, सङ्घीय र प्रदेशसभा सदस्य, एवं जनप्रतिनिधिले दीप प्रज्ज्वलन गरी महायज्ञको शुभारम्भसँगै सफलताको कामना गर्नुभयो ।
प्रमुख बाचक पोख्रेल, हास्यकलाकार श्रेष्ठ, आचार्य, धुर्मुससुन्तली फाउण्डेशनका अध्यक्ष सीताराम कट्टेल, राष्ट्रिय खेलाडी दीपक बिष्ट, लुम्बिनी विकास कोषका उपाध्यक्ष अवधेशकुमार त्रिपाठी, भिक्षु मेत्तेय, सङ्घीय सांसद कृष्णभक्त पोख्रेल, राष्ट्रियसभा सदस्य दिलकुमारी रावल, प्रदेशसभा सदस्य कृष्ण भूर्तेल, बलराम पौडेल, नेपाल कम्युनिष्ट पार्टी (नेकपा) चितवनका अध्यक्ष यमबहादुर परियार, नेपाली काँग्रेस चितवनका सभापति जीतनारायण श्रेष्ठ, लुम्बिनी सांस्कृतिक नगरपालिका प्रमुख मनमोहन चौधरीलगायतले शुभकामना मन्तव्य व्यक्त गर्नुभएको थियो ।
महायज्ञ उद्घाटन समारोहमा प्रमुख बाचक पोख्रेलले महायज्ञभर निःशुल्क बाचन गर्दै रु एक लाख ११ हजार १११ सहयोग गर्ने घोषणा गर्नुभयो । उहाँको घोषणासँगै रङ्गशाला निर्माणका लागि विभिन्न व्यक्तिले आर्थिक सहयोगको घोषणा गरेको महायज्ञ मूल आयोजक समितिका संयोजक विजय सुवेदीले जानकारी दिनुभयो ।
महायज्ञ उद्घाटन हुनुपूर्व भरतपुर महानगरपालिकाका २९ वडाबाट विभिन्न झाँकीसहित शोभायात्रा निकालिएको थियो । विभिन्न टोल सुधार संस्था, आमा समुहहरु, विभिन्न जातजातिका संस्कृति झल्कने शोभायात्रासहित ठूलो समूह रङ्गशाला निर्माणस्थलको महायज्ञ परिसर पुगेका थिए ।
धुर्मुससुन्तली फाउण्डेशनको अगुवाईमा रङ्गशाला निर्माण हुन लागेको हो । रङ्गशाला निर्माणका लागि रु दुई अर्ब ५० करोड लाग्ने अनुमान गरिएको छ । –रासस
आजको मौसम : यी तीन प्रदेशमा मेघगर्जनसहित वर्षाको सम्भावना
बालबालिकालाई आज भिटामिन ‘ए’ खुवाइँदै
इजरायल र इरानबीच कसको सेना बलियो छ ?
गुजरातमा भयानक सडक दुर्घटना, १० जनाको मृत्यु
अन्धविश्वासी रूसी फुड ब्लगरले महिना दिनको बच्चालाई भोकै मारे
डलरको भाउ स्थिर, यूरो र पाउण्डको मूल्य बढ्यो
नौमती बाजा बजाउन निस्केका महिला
नाउपाका पाँच सांसदले प्रदेश प्रमुखलाई बुझाए सोडारीलाई समर्थन नरहेको पत्र
दिनभरका TOP 15 NEWS : टर्यो गठबन्धनको संकट, जहाजमा बेवारिसे एक किलो सुन !
अधुरा विकासका कामहरू अब पूरा हुँदै जान्छन् : केपी शर्मा ओली
ग्लोबल आइएमई बैंक र हब इन्टरनेशनल एजुकेशनबीच समझदारी
मुक्तिनाथ विकास बैंक र फाइनान्स फ्रेन्डबीच सम्झौता
सिटिजन्स बैंकको १७औं वार्षिकोत्सवको अवसरमा घरबारविहीनलाई १७ दिन भोजन व्यवस्था
तीनजना सहसचिव सचिव पदमा बढुवा
