भद्रपुर,२९ पुस । नेपाल कम्युनिस्ट पार्टी (नेकपा) झापा जिल्ला कमिटीले पार्टी एकीकरणपश्चात सदस्यको अभिलेख व्यवस्थित गर्न सबै स्थानीय तहमा सदस्यता नवीकरण शिविर सञ्चालन गरेको छ ।
झापाका आठ नगरपालिका र सात गाउँपालिकामा स्थानीय कमिटीको आयोजनामा सदस्यता नवीकरण शिविर आगामी माघ १५ गतेसम्म सञ्चालन हुने नेकपाका कार्यालय सचिव शिव ढुङ्गेलले बताए ।
शिविरमा तत्कालीन नेकपा एमाले र तत्कालीन नेकपा माओवादी केन्द्रका पार्टी सदस्यको सदस्यतालाई नेकपा सदस्यका रूपमा अद्यावधिक गरिने र सदस्यता विवरणमा जन्म मितिलगायतमा रहेका त्रुटिसमेत सच्याइने उनले जानकारी दिए । पार्टी एकीकरणपछि बनेको नेकपामा दुई वर्षयता सदस्यको अद्यावधिक भएको थिएन ।
भिन्न दलबाट आएका सदस्यको भावनात्मक अन्तरघुलनका लागि समेत सदस्यता नवीकरण शिविर उपयोगी हुने पार्टीका विर्तामोड नगर कमिटीका अध्यक्ष ज्ञानुराम प्रसाई बताउछन् ।
जिल्लामा नेकपाका ३२ हजार आठ सय ५५ पार्टी सदस्य रहेका कार्यालय सचिव ढुङ्गेलले जानकारी दिए । उनका अनुसार तत्कालीन नेकपा एमालेबाट २४ हजार एक सय ९८ र तत्कालीन नेकपा माओवादी केन्द्रबाट आठ हजार छ सय ५७ सदस्य नेकपामा समाहित भएका छन् । रासस
बालबालिकालाई आज भिटामिन ‘ए’ खुवाइँदै
आजको मौसम : यी तीन प्रदेशमा मेघगर्जनसहित वर्षाको सम्भावना
इजरायल र इरानबीच कसको सेना बलियो छ ?
गुजरातमा भयानक सडक दुर्घटना, १० जनाको मृत्यु
अन्धविश्वासी रूसी फुड ब्लगरले महिना दिनको बच्चालाई भोकै मारे
डलरको भाउ स्थिर, यूरो र पाउण्डको मूल्य बढ्यो
नौमती बाजा बजाउन निस्केका महिला
नाउपाका पाँच सांसदले प्रदेश प्रमुखलाई बुझाए सोडारीलाई समर्थन नरहेको पत्र
दिनभरका TOP 15 NEWS : टर्यो गठबन्धनको संकट, जहाजमा बेवारिसे एक किलो सुन !
अधुरा विकासका कामहरू अब पूरा हुँदै जान्छन् : केपी शर्मा ओली
ग्लोबल आइएमई बैंक र हब इन्टरनेशनल एजुकेशनबीच समझदारी
मुक्तिनाथ विकास बैंक र फाइनान्स फ्रेन्डबीच सम्झौता
सिटिजन्स बैंकको १७औं वार्षिकोत्सवको अवसरमा घरबारविहीनलाई १७ दिन भोजन व्यवस्था
तीनजना सहसचिव सचिव पदमा बढुवा
