सोमबार, २७ असोज २०७६
DainikNepal.com
सोमबार, २७ असोज २०७६

स्याङ्जामा एक युवकको हत्या

दैनिक नेपाल २०७६ असोज २३ गते १५:०६

वालिङ, २३ असोज  । स्याङ्जाको हरिनास गाउँपालिका– ५ बलिथुममा गएराति एक युवकको हत्या भएको छ ।

छ जनाको समूहमा आएका युवाको आक्रमणबाट अन्दाजी २७ वर्षीय महेन्द्रबहादुर आलेको घटनास्थलमै मृत्यु भएको हरिनास गाउँपालिकाका अध्यक्ष खिमनारायण मानन्धरले जानकारी दिनुभयो ।

इलाका प्रहरी कार्यालय चिसापानीबाट राति नै घटनास्थलमा पुगेको प्रहरी टोली र स्थानीयले हत्यामा संलग्नमध्ये पाँच जनालाई पक्राउ गरिसकेको र एक जनाको खोजीकार्य भइरहेको गाउँपालिकाका अध्यक्ष मानन्धरले बताउनुभयो ।

घटनाका कारण भने खुल्न सकेको छैन । –रासस

प्रतिक्रिया
सम्बन्धित