आइतबार, २९ भदौ २०७६
DainikNepal.com
आइतबार, २९ भदौ २०७६

नगद र चाँदीसहित पक्राउ परेका हुण्डी कारोबारीविरुद्ध सवा अर्ब विगो दावी

दैनिक नेपाल २०७६ भदौ ३ गते १३:५३

काठमाडौँ, ३ भदौ । नगद र चाँदीसहित पक्राउ परेका ८ जना हुण्डी कारोबारीविरुद्ध सवा अर्ब विगो दावी गर्दै जिल्ला अदालत पर्सा पेश गरिएको छ ।

पर्साको छिपहरमाई गाउँपालिका चेरगाह बस्ने राजकपुर साह, रौतहट चपुर घर भएका सूर्यबहादुर बडवाल, बाराको चैनपुर भवानीपुरका गुलाम साह, वीरगञ्ज-६ का राकेशकुमार सिंहविरुद्ध मुद्धा दायर गरिएको हो

यस्तै, भारत मोतिहारीका सुनिल प्रसाद, विन्दवासिनीका सुजित कुमार, वीरगञ्ज- ६ गहवाका चन्दन र पसल सञ्चालक कन्हैया साह सोनारविरूद्ध मुद्धा दायर गरिएको प्रहरीले जनाएको छ । प्रहरीका अनुसार पसलका सञ्चालक कन्हैया भने फरार छन् ।

गएको असार ९ गते ४२ लाख नगद र २ हजार ९० ग्राम चाँदीसहित वीरगञ्ज महानगरपालिका-५ माइस्थानमा रहेको केपी स्वर्णकार केन्द्र ज्वेलर्सबाट पक्राउ परेका ८ जनालाई अनुसन्धानपछि एक अर्ब २८ करोड ४२ लाख ३९ हजार ७२३ विगोसहित अदालत पेश गरिएको जिल्ला प्रहरी कार्यालय पर्साका प्रमुख एसपी सोमेन्द्रसिंह राठाैरले जानकारी दिए ।

अनुसन्धानका क्रममा एक वर्षमा उक्त रकम बराबरको कारोवार गरेको पाइएपछि विगोसहित बैंक-वित्तीय संस्था तथा संगठित अपराध मुद्दामा अदालत पेश गरिएको एसपी राठाैरले बताए ।

प्रतिक्रिया
सम्बन्धित