बुधबार, २७ कार्तिक २०७६
DainikNepal.com
बुधबार, २७ कार्तिक २०७६

सलमान खानले पूर्व भाइबुहारी मलाइकालाई दबंग ३ बाट हटाए

दैनिक नेपाल २०७६ असार २ गते ८:०६

मुम्बई । बलिउड अभिनेता सलमान खानको फिल्म भारतले अहिले बक्स अफिसमा राम्रो कमाइ गरिरहेको छ  ।

भारत रिलिज हुनुअगावै सलमानले दबंग–३ को सुटिङ सुरु गरिसकेका थिए । दबंग–३ को सुटिङको फोटो पनि सामाजिक सञ्जालमा भाइरल भएको थियो ।

दबंग सिरिजअन्तर्गत पहिलो फिल्मको गीत ‘मुन्नी बदनाम हुई’ सुपरहिट भएको थियो । गीतको भिडियोमा सलमानकी भाइबुहारी मलाइका अरोरा थिइन् ।

मलाइका दबंग–२ मा पनि आइटम गीतमा देखिएकी थिइन् । दबंग–३ मा भने मलाइकाको आइटम गीत हुनेछैन । फिल्ममा लभ रात्रिकी नायिका वरिना हुसेन देखिनेछिन् । वरिनाले हालै सलमानका साथ दबंग–३ को आइटम गीतको सुटिङ पनि सकेकी छिन् ।

मलाइका अरवाज खानसँगको सम्बन्धविच्छेदपछि सिंगल छिन् । अहिले अभिनेता अर्जुन कपुरसँगको प्रेमसम्बन्धका कारण चर्चामा छिन् । यही कारण पनि मलाइकाले आइटम गीतमा डान्स गर्न नपाएको बताइएको छ । एजेन्सी

प्रतिक्रिया
सम्बन्धित