शुक्रबार, १० जेठ २०७६
DainikNepal.com
शुक्रबार, १० जेठ २०७६

नेकपा सचिवालय : युवा संघ नेतृत्व बाँडफाँटमा सकस

ओलीको प्रस्ताव युवा–विद्यार्थी, मजदुर पूर्वएमालेलाई, महिलालगायतका अन्य संगठन पूर्वमाओवादीलाई

दैनिक नेपाल २०७६ जेठ २ गते १५:४८

काठमाडौं, २ जेठ । २२ जनवर्गीय संगठनको एकता टुंगो लगाउनेगरी बसिरहेको नेपाल कम्युनिस्ट पार्टीको सचिवालय बैठकमा युवा संघको नेतृत्व बाँडफाँट पेचिलो बनेको छ ।

प्रधानमन्त्री केपी शर्मा ओलीको सरकारी निवास बालुवाटारमा बसेको बैठकमा १३ र ९ जनसंगठनको नेतृत्व पूर्वएमाले र पूर्वमाओवादीले बाँडफाँट गर्ने सहमतिनजिक छ । तर, कुन कसले नेतृत्व लिने भन्ने विषयमा विवाद कायम छ ।

अध्यक्ष समेत रहेका ओलीले युवा संघ, विद्यार्थी संगठन, मजदुर संगठन पूर्वएमालेले नेतृत्व गर्नुपर्ने प्रस्ताव गरेको बालुवाटार स्रोतले जनाएको छ । तर, पूर्वमाओवादीका लागि विद्यार्थी, युवा वा मजदुर मध्ये एक छाड्नुपर्ने प्रचण्डले अडान कायम राखेका छन् ।

यसअघि पूर्वमाओवादीलाई युवा संघ जिम्मा लगाउने सहमति भएको खबरहरू बाहिरिएका थिए । तर, भियतनाम र कम्बोडियाको भ्रमण सकी बुधबार स्वदेश फर्किएका प्रधानमन्त्रीले युवा, विद्यार्थी मजदुर छाड्न मानेका छैनन् ।

त्यसमा पनि युवा संघ नेतृत्वमा ओलीको जोड रहेको बताइएको छ ।

प्रतिक्रिया
सम्बन्धित