साफ महिला च्याम्पियनसिप : पहिलाे हाफमा नेपाल-भारत १/१ को बराबरीमा

काठमाडाैँ, ८ चैत ।  पाँचौ संस्करणको महिला साफ च्याम्पियनसिप फाइनल खेलको पहिलो हाफमा नेपाल-भारतले १/१ गाेल गरेका छन् ।

विराटनगरस्थित सहिद रंगशालामा  भएको खेलमा नेपालको तर्फबाट सावित्रा भण्डारी र भारतका तर्फबाट डालिमा छिपरले गाेल गरेकी थिइन् ।

खेलको सुरुवातबाट नेपालले दबाब बनाएपनि अग्रता भारतले लिएको थियो । खेलको २६ औ मिनेटमा छिपरले गोल गर्दै भारतलाई अग्रता दिलाइन् । उनले ३० यार्ड टाढाबाट हानेको प्रहारलाई गोलकिपर एन्जिला तुम्बाप्पोले बचाउन सकिनन् ।

लगत्तै नेपालकी भण्डारीको गोलमार्फत खेलमा फर्किएको थियो । खेलको ३३ औ मिनेटमा सावित्राले हेडमार्फत गोल गरेकी हुन् । उनले गिता राईको पासलाई सदुपयोग गर्दै गोल गर्न सफल रहिन् ।

पहिलो हाफको ईन्जुरी समयमा फरवार्ड सावित्रा वान भर्सेस वानमा गोल गर्न चुकिन् । उनले प्रहारलाई भारतीय गोलकिपरले असफल बनाउन सफल रहिन् ।

मुख्य प्रशिक्षक हरी खड्काले सेमिफाईनलमा उतारेको टिमलाईनै फाईनल खेलमा समावेश गरेका छन् ।

नेपालले च्याम्पियनसिपको उपाधि टोलीका प्रत्येक सदस्यलाई २/२ लाख पुरस्कार दिने प्रदेश १ काे सरकारले घाेषणा गरिसकेको छ । दाेस्रो हाफ केहीबेरमा सुरु हुनेछ ।