बिहीबार, ७ चैत २०७५
DainikNepal.com
बिहीबार, ७ चैत २०७५

पढ्नुहोस्, बिनिता कार्कीको दमदार गजल

दैनिक नेपाल २०७५ चैत १ गते १८:२१

गजल

कस्तो हुन्छ जिउँदो लास हेरेर जानुहोस्
आउनुहोस् यो छातिमाथि टेकेर जानुहोस्

मन्दिर खोज्दै दर्शन गर्न आउनु भएको रहेछ
हिँड्नुस् मेरो घर, बाआमालाई ढोगेर जानुहोस्

साथ हुन्जेल खुसी कहिल्यै दिइनस् भन्नुभयो
कमसे कम जाने बेलामा त हाँसेर जानुहोस्

तपाईंको छोरीको बलात्कारी कहिल्यै भेटिँदैन
प्रहरी साप ! आमालाई यो सत्य भनेर जानुहोस्

हातगोडा भाँचेर हुन्न म आवाज भएको मान्छे
सरकार ! मेरो शिर वा जिब्रो काटेर जानुहोस्

‍‍…
-बिनिता कार्की

 

प्रतिक्रिया
सम्बन्धित