काठमाडौं, १ माघ । अष्ट्रेलियासँगको दोस्रो एकदिवसीय क्रिकेटमा भारत विजयी भएको छ । घरेलु टोली अष्ट्रेलियालाई भारतले ६ विकेटले पराजित गरेको हो । भारतको जितमा कप्तान विराट कोहली नायक बने ।
अष्ट्रेलियाले दिएको २९९ रनको लक्ष्य पच्छाएको भारतले ४९.२ ओभरमा ४ विकेट गुमाएर पुरा गर्यो । भारतीय टिमका कप्तान कोहलीले ११२ बलमा १०४ रन बनाए । यस्तै पूर्वकप्तान महेन्द्र सिंह धोनीले अविजित ५५ रन बनाए ।
यसअघि एडिलेटमा टस जितेर पहिले ब्याटिङ गरेको अष्ट्रेलियाले पुरै ५० ओभर खेल्दै ९ विकेट गुमाएर २९८ रन बनाएको थियो ।
अष्ट्रेलियाका शन मार्शले १३१ रनको योगदान दिएपनि जितका लागि पर्याप्त भएन । यस्तै ग्लेन म्याक्स्वेलले ४८ रन जोड्दा मार्कुस स्टोनिसले २९ रन बनाए । भारतका भुवनेश्वर कुमारले ४ तथा मोहमद सामीले ३ विकेट लिए ।
घरेलु टोली अष्ट्रेलियाविरुद्धको टेष्ट सिरिज भने भारतले जितिसकेको छ ।
प्रतिक्रिया