दीपिका र रणवीरको ६ वर्षे प्रेम सम्बन्ध आज विवाहमा परिणत हुँदै

मुम्बाई । बलिउडका नायिका दीपिका पादुकोण र नायक रणवीर सिंह विवाह बन्धनमा बाँधिन लागेका छन् । उनीहरु १४ नोवेम्वर, बुधबारका दिन इटलीमा विवाह गर्दै युगल रुपमा सार्वजनिक हुन लागेका हुन् ।

६ वर्षदेखि प्रेम सम्बन्धमा रहेका उनीहरुले विवाहका लागि इटलीको ‘काष्टा दिभा रिसोर्ट एण्ड स्पा’ रोजेका छन् ।

विवाहमा नजिकका साथी र आफन्त मात्र पुगेका भारतीय सञ्चारमाध्यमहरुले जनाएका छन् । रितिरिवाज अनुसार दीपिका र रणवीरले एक अर्कालाई औँठी साटेका छन् ।

आज कोंकणी संस्कृति अनुसार विहे हुनेछ भने भोली सिन्धी रिवाज अनुसार विहे हुनेछ ।