मंगलबार, २७ कार्तिक २०७५
DainikNepal.com
मंगलबार, २७ कार्तिक २०७५

पीपीएल क्रिकेट : उपाधिका लागि १६१ रनको लक्ष्य पायो पोखराले

दैनिक नेपाल २०७५ कार्तिक २० गते १२:४७

काठमाडौं, २० कात्तिक । पोखरा प्रिमियर लिग (पीपीएल) टी–ट्वान्टी क्रिकेट प्रतियोगिताको उपाधिका लागि पोखरा पल्टनले १६१ रनको लक्ष्य पाएको छ ।

टस हारेर पहिले ब्याटिङको निम्तो पाएको चितवन राइनोजले निर्धारित २० ओभरमा ५ विकेट गुमाएर १६० रन बनाएको हो ।

चितवनका लागि कप्तान पारस खड्काले अर्धशतकीय इनिङस खेले । कप्तान पारसले ३७ बलमा ९ चौकासहित ५१ रन जोडे । रन आउट हुनुअघि पारसले दोस्रो विकेटका लागि अनिल कुमार साहसंग ७६ रनको साझेदारी गरे । अनिल ३७ रनमा आउट भए । त्यस्तै सन्नी पटेलले ४३ रन जोड्दा आरिफ शेखले १४ रन बनाए ।

पोखराका लागि मोहमद नाभिद र ललित नारायण राजवंशीले १/१ विकेट लिए ।

प्रतियोगिताको विजेताले २७ लाख प्राप्त गर्नेछ भने उपविजेता टोलीले १० लाखमा चित्त बुझाउने छ ।

प्रतिक्रिया
सम्बन्धित