मंगलबार, २७ कार्तिक २०७५
DainikNepal.com
मंगलबार, २७ कार्तिक २०७५

आज पनि ओरालो लाग्यो सेयर बजार

दैनिक नेपाल २०७५ भदौ ४ गते १८:३३

काठमाडौं, ४ भदौ । सेयर बजार सोमबार पनि ओरालो लागेको छ । नेपाल स्टक एक्सचेञ्जका अनुसार सेयर बजार मापक नेप्से शिरसूचक ८ दशमलब २२ बिन्दुले घटेर एक हजार १८८ बिन्दुमा ओर्लेको छ । ‘क’ वर्गका कम्पनीको सेयर कारोबार मापन गर्ने सेन्सेटिभ परिसूचकसमेत १ दशमलब ७८ बिन्दुले २५० दशमलब ७५ बिन्दुमा कायम भएको छ ।

स्टकका अनुसार आज कूल १६० कम्पनीको छ लाख तीन हजार १०२ कित्ता सेयर २२ करोड ६१ लाख ७२ हजार ९३ रुपैयाँमा खरीद–बिक्री भएको छ । आज उत्पादन उपसमूहको सेयर उकालो लाग्दा अरू उपसमूहका सेयर भने ओरालो लागेका छन् । उत्पादन उपसमूहको सेयर ११.१५ बिन्दुले बढ्दा बैङ्किङ ५.४२, होटल ५ दशमलब १७, विकास बैंक १३ दशमलब १२, जलविद्युत् २३ दशमलब ६३, वित्त २ दशमलब ६९, निर्जीवन बीमा ५९ दशमलब ७४, अन्य ४ दशमलब ६८, माइक्रोफाइनान्स ११ दशमलब ६९र जीवन बीमा ७५ दशमलब २ बिन्दुले घटेको छ ।

आज वल्र्ड मर्चेन्ट बैङ्किङ एण्ड फाइनान्स लिमिटेडका लगानीकर्ताले कमाएका छन् भने सिन्धु विकास बैङ्क र राष्ट्रिय बीमा कम्पनी लिमिटेडका लगानीकर्ताले गुमाएका छन् । -रासस

प्रतिक्रिया
सम्बन्धित