उरुग्वेको विजयी यात्राको शुरुवात, इजिप्ट पराजित

मस्को, २ असार । रुसमाजारी विश्वकप फुटबलअन्तर्गत आफ्नो पहिलो खेलमा दुई पटकको विश्व विजेता उरुग्वेले इजिप्टलाई १–० गोलले हराएको छ ।

समूह ‘ए’अन्तर्गतको यस खेलको ९० औं मिनेटमा जोसे मारिया जिमिनेजले हेडमार्फत गोल गरे । यी रक्षकले कर्नरबाट आएको बललाई हेडमार्फत पहिलो बारको दिशा दिएका थिए ।

इजिप्टका स्टार स्ट्राइकर मोहमद सलाह बेन्चमै सिमित रहे । उरुग्वेका स्ट्राइकर लुइस स्वारेजले दुई वटा राम्रा अवसर गुमाए । पहिलो हाफमा स्वारेजले नजिकैबाट खाली पोष्टमा गोल गर्न सकेनन् । दोस्रो हाफमा स्वारेजले गोलरक्षकसँग वन भर्सेस वनमा गोल गर्न सकेनन् ।

दोस्रो हाफमा हाफमा उरुग्वेकै एडिन्सन काभानीले डीबक्सबाहिरबाट प्रहार गरेको हाफ भली इजिप्टका गोलरक्षकले उत्कृष्ट बचाउ गरे । लगत्तै उनले डीबक्सबाहिरबाट गरेको फ्रिकिक सेकेन्ड बारमा लागेर फर्किएको थियो । एजेन्सी