काठमाडौँ । लमजुङे कलाकारहरु रोशन कुताल क्षेत्री र सुनिता अधिकारीको स्वरमा सजिएको नयाँ लोक दोहोरी गीत बजारमा आएको छ ।
बुधबार युट्युवमार्फत सार्वजनिक गरिएको ‘मेरो लमजुङ घर’ बोलको दोहोरी गीत निकै पृथक छ । रिना थापा मगर र विवेक खड्काको अभिनय रहेको गीतमा गायक कुताल र गायिका अधिकारी स्वयमको पनि अभिनय छ । गायिका अधिकारीको छोटो नृत्य झन आकर्षक छ ।
गीतमा रमेश बिजीको शब्द र गायक कुतालकै लय रहेको गीत गत शनिबारमात्रै काठमाडौँमा छायांकन सकिएको छ । यस गीतलाई चर्चित निर्देशक शिव विश्वकर्माले निर्देशन गरेका थिए भने शम्भु चालिसेले क्यामरामा कैद गरेका थिए ।
लमजुङ र दाङप्रतिको माया दर्साइएको यो गीतलाई दर्शक स्रोताले अत्याधिक मन पराइदिने गायक कुताल र गायिका अधिकारीको विश्वास छ ।
हेर्नुस भिडियो
प्रतिक्रिया