संसद बैठक २६ गतेसम्मका लागि स्थगित

काठमाडौँ, २२ फागुन । प्रतिनिधिसभा बैठक आउँदो २६ गतेसम्मका लागि स्थगित भएको छ । संसदको दोस्रो बैठक मंगलबार बसेको थियो । अर्काे बैठक अब २६ गते दिउँसो १ बजे बस्नेछ ।

मंगलबार सबेको बैठकले १३ सदस्यीय प्रतिनिधिसभा नियमावली मस्यौदा समिति गठन गरेको छ । आफ्नो कार्यसञ्चालन गर्न, बैठकको सुव्यवस्था कायम राख्न, समितिहरूको गठन, काम कारबाही र सदन एवं समितिको कार्यविधि नियमित गर्न र प्रतिनिधिसभाको कार्यविधिमा सहजता ल्याउन समिति गठन गरिएको हो ।

एमाले सांसद भानुभक्त ढकालले प्रस्तावमा समिति गठन गरिएको हो । समितिको सदस्यमा कृष्णभक्त पोख्रेल, जुली महतो, दिलेन्द्रप्रसाद बडु, देवप्रसाद गुरुङ, प्रेम सुवाल, बृजेशकुमार गुप्ता, मिनबहादुर बिश्वकर्मा, डा.मिनेन्द्र रिजाल, रबिन्द्र अधिकारी, रेखा शर्मा, लक्ष्मणलाल कर्ण, बिन्दा पाण्डे, बिमलप्रसाद श्रीवास्तव रहेका छन्।