एमालेको स्थायी समिति बस्दै, यस्ता छन् बैठकका एजेण्डा

काठमाडौं, २८ माघ । मुलुकको पछिल्लो राजनीतिक अवस्था, समानुपातिक सांसदको सूची र माओवादी केन्द्रसँगको पार्टी एकीकरण लगायतका विषयमा छलफल गर्न नेकपा (एमाले)को स्थायी समितिको बैठक बस्दैछ ।

पार्टी मुख्यालय धुम्बाराहीमा बस्ने बैठकमा समानुपातिक सांसदहरूको सूची तयार पारेर निर्वाचन आयोगमा बुझाउनेबारेमा छलफल हुने एक नेताले जानकारी दिए ।

बैठकमा माओवादी केन्द्रसँगको पार्टी एकीकरणको पछिल्लो अवस्था र नयाँ सरकार गठनका बारेमा पनि छलफल हुनेछ ।

धमाधम प्रदेश सरकारहरू बन्न लागेका विषयमा पनि एमालेको स्थायी समिति बैठकमा छलफल हुनेछ ।