एनआरएनए अमेरिकाज क्षेत्रको संयोजकमा गौरी जोशीको उम्मेद्वारी

टेक्सास । गैर आवासीय नेपाली संघ (एनआरएनए) अमेरिकाज क्षेत्रको संयोजकमा गौरी जोशीले उम्मेदवारी घोषणा गर्नुभएको छ ।

एनआरएनए अमेरिकाको निर्वाचनका क्रममा विभिन्न कारणले चर्चामा रहेका टेक्सास डालसका व्यवसायी जोशीले एनआरएनए बिश्व सम्मलेन चलिरहँदा पूर्व सन्ध्यामा अमेरिकाज क्षेत्रको संयोजक आरसी पदमा उम्मेद्वारी घोषणा गर्नुभएको हो ।

सामाजिक संजालमार्फत एक बिज्ञप्ती जारी गर्दै जोशीले आरसी पदमा उम्मेद्वारी घोषणा गर्नुभएको हो । एनआरएनए अमेरिकाको निर्वाचनमा अन्तिम अवस्थामा अदालतबाट मुद्धा फिर्ता लिंदै अध्यक्षमा डा. केशब पौडेललाई सहयोग गरेका जोशी अव अमेरिकाज क्षेत्रका सबैभन्दा बलिया प्रतिस्पर्धी देखिएका छन् ।

अमेरिकाज क्षेत्रका संयोजकका लागी बर्तमान सह–संयोजक एसी शेर्पा, श्री पराजुली लगायतले यसअघि नै उम्मेद्वारी घोषणा गरिसकेका छन् ।

गैर आवासीय नेपाली संघको बिश्व सम्मेलन आजदेखी काठमाडौंमा शुरु भएको छ । सम्मेलनमा सबैभन्दा बढि प्रतिनिधी अमेरीकाबाट सहभागी भएका छन् ।

जोशीले सामाजिक संजालमार्फत घोषणा गरेको उम्मेद्वारी-

प्रेस विज्ञप्ति

केही साता अघि एनआरएन अमेरिकाको अध्यक्ष उम्मेदवारका क्रममा मैले अमेरिका वस्ने नेपालीका लागि एनआरएन अमेरिका हुनुपर्छ भन्ने लगायतका मुद्दाहरु अगाडी सारेको यहाहरुलाई सर्वविदितै छ । एनआरएन अमेरिका नेपालीका लागि अप्ठ्यारो पर्दा सहयोग गर्ने संस्था वनाउनुपर्छ भनेर मैले आफुलाई अध्यक्ष उम्मेदवार घोषणा गरेको थिएं । विवाद होइन, एनआरएन अमेरिका सवै समुदायले विश्वास गर्ने सस्था हुनुपर्छ भन्ने पक्षमा म सधैं थिएं र छु ।

नियमअनुसार मैले उम्मेदवारी दिदां पनि कायम नहुदां अदालतसम्म जानु पर्यो । त्यसवेला पनि म सहमति र सहकार्यका लागि तयार भएको वताउंदै आएको थिएं । अमेरिका भरी २ सय जना भन्दा वढी उम्मेदवार, १५ हजार मतदाता भएको अवस्थामा मेरो कारणले निर्वाचन प्रकृया रोकिनु हुदैंन भनेर अन्यायमा परेको अवस्थामा पनि मैले अदालतवाट मुद्दा फिर्ता लिएको थिएं । सहमति र सहकार्यमै वढ्न मैले केन्द्रिय उपाध्यक्ष कुमार पन्तज्यू को उपस्थितिमा एनआरएन अध्यक्ष डा केशव पौडेलसंग उम्मेदवारी फिर्ता लिने सहमति गरेको थिएं । त्यसवेला पनि उहांहरु लगायत समुदायको कयौं साथिहरुको भनाई तपाई एनआरएन अभियानमा वाहिर जानु हुदैंन भन्ने थियो । सम्पर्कमा आउनुहुने सवैले मलाई एनआरएन संस्थावाट वाहिर नजान सुझाव दिईरहनु भएको थियो ।

यस विचमा मैले एनआरएनएको केन्द्रिय नेतृत्वतहसंग सम्पर्क गर्ने मौका पनि पाएं । उहांहरुले पनि मलाई सकृय रुपमा एनआरएन अभियानमा सहभागी हुन सल्लाह र सुझाव दिनु भयो । यही सल्लाह र सुझावलाई मनन गर्दै मैले काठमाडौमा अक्टोबर १४-१७ एनआरएनए विश्व सम्मेलनमा अमेरिकाज क्षेत्रका लागि क्षेत्रिय संयोजक(आरसी) पदमा उम्मेदवारी दिने निर्णय लिएको छु ।