झापाको कमल गाउँपालिकामा एमाले-काँग्रेस बराबर: एमालेलाई पर्‍यो चिट्ठा

झापा, २० असार । झापाको कमल गाउँपालिकामा मत बराबरी भएपछि गोलाप्रथाबाट एमालेकी मेनुका काफ्लेले अध्यक्ष जितेकी छिन् ।

एमालेकी काफ्ले र कांग्रेस उम्मेदवार हुकुमसिंह राईको ८२७५ मतले बराबर भएपछि अन्तिम निर्णय गोलाप्रथाबाट गरिएको हो ।

सहायक निर्वाचन अधिकृत राजकुमार शाक्यका अनुसार सुरुमा काफ्लेलाई गोला तान्न दिइएको थियो । अन्ततः नतिजा काफ्लेकै पक्षमा आयो ।