काठमाडौं, १९ असार । दोस्रो चरणको स्थानीय तहको निर्वाचनमा अपेक्षाकृत रुपमा परिणाम नआउँदा सत्तारुढ दल नेपाली कांग्रेस र नेकपा (माओवादी केन्द्र)भित्र असन्तुष्टि चुलिएको छ ।
दोस्रो चरणको निर्वाचनमा राम्रो परिणाम नआउनुमा गुटबन्दी नै कारण भएको निष्कर्ष कांग्रेसले निकालेको छ । नेपाल समाचार पत्र दैनिकले खबर छापेको छ ।
केन्द्रदेखि वडा तहसम्म नै गुटबन्दीको असर निर्वाचन नतिजामा पनि देखिएको भन्दै कांग्रेसभित्र आन्तरिक द्वन्द्व सुरु भएको छ ।
माओवादी केन्द्रभित्र पनि गुटबन्दीभन्दा पनि पार्टी केन्द्रीय कार्यालयले प्रभावकारी रुपमा जनतासमक्ष आफ्ना एजेन्डा पु-याउन नसक्दा राम्रो परिणाम आउन नसकेको निष्कर्ष निकालेको छ ।
माओवादी केन्द्रले दोस्रो चरणको निर्वाचनमा पहिलो हुने दाबी गरेको थियो ।
प्रतिक्रिया