ललितपुरमा १४ र महोत्तरीमा १९ वर्षीय युवती बलात्कृत, दुई जना पक्राउ

काठमाडौं, २९ जेठ । ललितपुर र महोत्तरीमा दुई युवती बलात्कृत भएका छन् ।

केन्द्रीय प्रहरी समाचार कक्षका अनुसार जवरजस्ती करणी गरेको अभियोगमा ललितपुर महानगरपालिका–९ बालकुमारी मेगासिटी डेरा गरी बस्ने धादिङ घर भएका १७ वर्षीय राजु चेपाङलाई प्रहरीले पक्राउ गरेको छ । चेपाङले विगत २/३ दिनअगाडी देखि उनकै कोठामा बस्दै आएकी धादिङ घर भएकी १४ वर्षीया बालिकालाई जबरजस्ती करणी गरेको बताइएको छ  ।

त्यस्तै, महोत्तरीमा औरही–२ फुलबरीया टिमपोखरी बस्ने १९ वर्षीया महिलालाई जबरजस्ती करणी गरेको अभियोगमा सोही ठाउँ बस्ने २२ वर्षीय सुनिल साहलाई आइतबार प्रहरीले पक्राउ गरेको छ ।

यस सम्बन्धमा स्थानीय प्रहरीले आवश्यक अनुसन्धान गरिरहेको छ ।