भरतपुर निर्वाचनको छिनोफानो अब सर्वोच्च अदालतमा, अधिवक्ता पाण्डेद्वारा रिट दायर

काठमाडौँ, २१ जेठ । भरतपुर महानगरपालिकाको १९ नम्बर वडामा फेरि निर्वाचन गराउने निर्वाचन आयोगको निर्णयविरुद्ध सर्वोच्च अदालतमा उजुरी दर्ता भएको छ ।

अधिवक्ता तुलसीराम पाण्डेले पुनः मतदान गर्ने आयोगको निर्णयविरुद्ध आइतबार सर्वोच्चमा रिट दायर गरेका हुन् । आयोगको निर्णय कानुनविपरीत भएको भन्दै खारेजीका लागि माग गरिएको छ ।

भरतपुरमा मतदान गराउने विषयमा दलहरुबीच विवाद चलिरहेको बेला अब यसको छिनोफानो सर्वोच्च अदालतको बलमा पुगेको छ ।