५ मंसिर २०८३, शनिबार

बर्दियाको भुरिगाउँमा ओलीले भने- वैशाख ३१ को स्थानीय निर्वाचन कसैले रोकेर रोकिन्न्

2.9k
Shares

फन्ट परिवर्तन गर्नुहोस:

  • change font
  • change font
  • change font

 

– सुदीप अधिकारी

बर्दिया, ४ चैत । नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले स्थानीय तहको निर्वाचन तोकिएकै मितिमा गराएरै छाड्ने दावी गरेका छन् ।

नेकपा एमालेको मेची महाकाली राष्ट्रिय अभियानको कञ्चनपुरमा समापन गरेर फर्कने क्रममा शुक्रबार बर्दियाको ठाकुरबाबा नगरपालिका– १ भुरिगाउँ बजारमा आयोजना गरिएका सभामा बोल्दै ओलीले बैशाख ३१ गते हुने स्थानिय निर्वाचन कसैले रोकेर नरोकिने ठोकुवा गरे ।

मधेशी मोर्चातर्फ लक्षित गर्दै अध्यक्ष ओली लोकतन्त्रबादी हु भन्ने तर निर्वाचन जान नमान्नेहरु लोकतन्त्र विरोधी भएको जिकिर गरे । उनले आसन्न स्थानिय निर्वाचनमा सम्पन्न गराउन हरेक नागरिक सचेत हुनुपर्ने बताए । स्थानिय निर्वाचनमा नेकपा एमालेको जीत सुनिश्चित भएको अध्यक्ष ओलीले ठोकुवा गरे ।

केही दल जातजाति, भाषा, भुगोलजस्ता विषयलाई लाई लिएर नेपाली जनताबिचको एकतालाई भाड्न उद्धत रहेकाले सबै सचेत हुनु पर्ने ओलीले जोड दिए । देशका युवाहरु राजनितीमात्र नगरेर विकास निर्माणमा पनि लाग्न अध्यक्ष ओलीले युवाहरुलाई आग्रह गरे । बेरोजगार युवाहरुलाई शैक्षिक प्रमाण पत्र धितो राखेर ऋण लिन सक्ने प्रव्धान आफुले सुरुवात गरेकाले युवाहरुले यसको सदुपयोग गरी स्वरोगार बन्न युवाहरुलाई अनुरोध गरे ।

मेची महाकाली राष्ट्रिय अभियानको प्रशंसा गर्दै अध्यक्ष ओलीले हजारै जनता सहभागी भएको यो अभियान अभुतपूर्व र असाधारण भएको जिकीर गरे । भुरिगाउँको सभामा बोल्दै अध्यक्ष ओलीले बर्दियाको विकासका लागि आफुले सक्दो प्रयास गर्ने बताए । भुरिगाउँ तेलपानी सुर्खेत सडक, पर्यटकियस्थल ठाकुरद्धारा जोडने ओराही खोलामा पुल, यहाँका बाढीपिडितका समस्या, सुकुम्बासी समस्या लगाएतका समस्या समाधानका लागि आफू पूर्ण प्रतिवद्ध रहेको अध्यक्ष ओलीले बताए ।

मेची महाकाली अभियानबाट फर्कने क्रममा नेकपा एमालेका बरिष्ठ नेता झलनाथ खनाल, माधवकुमार नेपाल, बामदेब गौतम, इश्वर पोखे्रललगायतका नेताले भुरिगाउँमा आयोजित सभालाई सम्बोधन गरेका थिए । मेची महाकाली अभियानबाट फर्कने नेताहरुलाई विदाई गर्न ठाकुरबाबा नगरपालिका क्षेत्रका सयैँ कार्यकता तथा सर्बसाधारण पूर्वपश्चिम राजमार्गमा पर्ने भुरिगाउँ बजारमा भेला भएका थिए ।