६ मंसिर २०८३, आइतबार

बल्ल झुक्यो भारत, कञ्चनपुर घटना छानविन गर्ने

84
Shares

फन्ट परिवर्तन गर्नुहोस:

  • change font
  • change font
  • change font

काठमाडौं, २७ फागुन । नेपालका लागि भारतीय राजदूत विनयकुमारले परराष्ट्र मन्त्रालयका सचिव शंकर दास वैरागीसँग भेट गरेर कञ्चनपुर जिल्लामा भएको घटनाप्रति दुःख व्यक्त गरेका छन् । उनले घटनाका विषयमा भारतले छानविन शुरु गरेको पनि जनाएका छन् ।

लैनचौरस्थित भारतीय राजदूतावासले शुक्रबार प्रेस नोट जारी गरेर कञ्चनपुर जिल्लाको लखिमपुर केरीमा भएको घटना र त्यसबाट नेपाली नागरिकको मृत्यु भएकोमा दुःख व्यक्त गरेको हो । विनयकुमारले शुक्रबार बिहान परराष्ट्रसचिव वैरागीसँग भेट गरेका हुन् ।

कार्यबाहक राजदूत विनयकुमारले घटनाका विषयमा भारतीय सरकारले छानविन गर्न सम्बन्धित निकायलाई निर्देशन दिइसकेको र सो घटनाका विषयमा आवश्यक प्रमाणहरू उपलब्ध गराइ सहयोग गर्न परराष्ट्र सचिव वैरागीसँग आग्रह गरेको प्रेस नोटमा उल्लेख छ ।

कञ्चनपुर जिल्लाको सीमा क्षेत्रमा भारतीय सुरक्षाकर्मी एसएसबीको गोली लागेर नेपाली नागरिक गोविन्द गौतमको निधनसँगै चौतर्फी विरोध शुरु भएको छ । बिरोध शुरु भएपछि भारतीय पक्षले घटनाको छानविन भइरहेको जनाएको हो ।

नेपाली भूमिभित्र प्रवेश गरेर एसएसबीले गोली प्रहारगरेर गोविन्द गौतमको हत्या गरेको बिरोधमा सुदूरपश्चिमाञ्चल बन्द भएको छ । संसदमा पनि सांसदहरूले भारतको चर्को विरोध गरेका छन् ।

……

Cd’A Mr Vinay Kumar met Foreign Secretary Mr Shankar Das Bairagi this morning and conveyed condolences on the loss of life of a Nepali citizen yesterday. He informed Mr Bairagi of the decision to initiate an enquiry on the incident at the border of the Lakhimpur Kheri – Kanchanpur districts and requested that the Nepalese side may share post-mortem and forensic reports to facilitate the enquiry process. He further said that the district authorities should maintain close and regular contacts and ensure peace and order in the area.