काठमाडौं, २६ मंसिर । सत्तारुढ दल नेकपा माओवादी केन्द्रका नेता शक्तिबहादुर बस्नेतले संविधान संशोधन प्रस्ताव परिमार्जन गर्न सरकार तयार रहेको बताएका छन् ।
उनले संशोधन प्रस्तावलाई लिएर एमालेले संसद अवरुद्ध गरिरहनु आवश्यक नभएको पनि बताए ।
आइतबार रिपोर्टर्स क्लबमा आयोजित साक्षात्कारमा उनले संशोधन प्रस्तावलाई लिएर संसद र सडक अवरुद्ध गर्न अहिले जरुरी नभएको बताए ।
उनले संविधान संशोधनमा मधेशी मोर्चाले मेरो गोरुको बाह्रै टक्का गर्न नहुने भन्दै अब निर्वाचन गराउनेतर्फ सबैले सोच्नुपर्ने बताए । बस्नेतले भने- ‘कसैले कसैलाई निषेध गर्नुहुँदैन, व्यापक छलफल तथा परामर्श गर्न आवश्यक छ ।’
संविधानलाई सर्वस्विकार्यताको लागि आएको संशोधन प्रस्तावमा छलफल हुनुपर्ने उनको भनाई थियो












प्रतिक्रिया