काठमाडौँ, १३ मंसिर । १० हजार अमेरिकी डलरसहित एक विदेशीलाई प्रहरीले नियन्त्रणमा लिएको छ ।
केन्द्रीय प्रहरी समाचार कक्षका अनुसार टर्किस एयरको उडानद्वारा स्तानबुल हुँदै ईजरायल जान लागेका राहदानी नम्बर २२९६६२१२ बाहक ईजरायली नागरिक ६३ वर्षीय अभिडान निसिमलाई पाइण्टको खल्तीमा लुकाई छिपाई लैजान लागेको ९ हजार ८ सय २४ अमेरिकी डलरसहित त्रिभुवन अन्तर्राष्ट्रिय बिमानस्थलबाट सोमबार प्रहरीले पक्राउ गरेको हो ।
उनलाई आवश्यक कारबाहीको लागि बरामद डलर सहित राजश्व कार्यालय हरिहर भवन पठाइएको छ ।
प्रतिक्रिया