राजेश हमालले भने- भारतसँगको मित्रता भारी पर्ने भो

काठमाडौं । महानायक राजेश हमालले भारतीय राष्ट्रपति प्रणव मुखर्जीको नेपाल भ्रमणमा लागेको अघोषित कर्फ्युको विरोध गरेका छन् ।

सामाजिक सञ्जाल फेसबुकमार्फत राजेशले छिमेकी देशका राष्ट्रप्रमुखको स्वागतका लागि आफ्नै देशका सर्वसाधारणलाई दुःख दिएको भन्दै सांकेतिक विरोध जनाएका हुन् ।

उनले भारतबाट भएको नाकाबन्दीलाई पनि सम्झिएका छन् ।

राजेशले लेखेका छन्– ‘मित्र राष्ट्रका प्रमुख आफ्नो देशमा छँदा हामी कहाँ नाकाबन्दी, हाम्रो देशमा आउँदा कर्फ्यु…मित्रता भारी पर्ने भो ।’