गुल्मीमा दसैंपछी ८ सय भन्दा बढीलाई नयाँ नागरिकता

– अनिल खत्री

गल्मी, ११ कात्तिक । स्वदेश तथा बिदेशबाट दशै तिहार मान्न घर आएका गुल्मेलीहरुले यति वेला नागरिकता र राहदानी लिन जिल्ला प्रशासन कार्यालय गुल्मी आएसंगै दिनहुँ भिड लाग्ने गरेको छ ।

भिड बढेसंगै कार्यालयका प्रमुख जिल्ला अधिकारी, प्रशासकीय अधिकृत सहितका कर्मचारीहरु कर्यालय समय पछी सेबा ग्रहीलाई सेवा दिनको साँझ अबेर सम्म काम गर्दै आएका छन् । प्रशासकीय अधिकृत रामचन्द्र पन्थीका अनुसार दशै पछाडी देखि हाल सम्म ८ सय ७ जनालाई नयाँ नागरिकता वितरण गरिएको बताए । त्यस्तै ४ सय २३ जनाले राहदानी दर्ता गरेका छन् ।

त्यसमध्ये केन्द्रबाट तयार भई आएका २ सय २ राहदानी वितरण गरिएको छ । सिफारिस १ सय ३१ जनाको गरिएको प्रशासकीय अधिकृत पन्थीले बताए । सेवाग्राहीहरुको काम एकै दिनमा सक्ने लक्ष्य लिईएकोले साँझ अबेर सम्म काम गरेर बसिएको पन्थीका भनाई छ ।