काठमाडौं, १५ असोज । संयुक्त राष्ट्रसंघले नियन्त्रण रेखामा भारतले गरेको सर्जिकल स्टाइक्समाथि प्रश्न उठाएको छ ।
संयुक्त राष्ट्रसंघका महासचिव बान की मुनका प्रवक्ता स्टीफान दुजारिकले संयुक्त राष्ट्रसंघको सैन्य प्रेक्षक दलले भारत र पाकिस्तानको नियन्त्रण रेखामा कुनैपनि गोलाबारी सीधै नभएको बताएका छन् ।
बान की मुनका प्रवक्ता स्टीफानले भने- ‘राष्ट्रको सैन्य प्रक्षेक दलले भारत र पाकिस्तान नियन्त्रण रेखामा सिधै गोलाबारी भएको छैन, संघर्ष विराममा यी कथित उल्लंघनको बारेमा हामीलाई खबर प्राप्त भएको छ । प्रेक्षक दल त्यसको सिलसिलामा सम्बन्धित अधिकारीहरुसँग कुराकानी गरिरहेको छ ।’
संयुक्त राष्ट्रसंघका सैन्य प्रेक्षक दलले भारत र पाकिस्तानबीच नियन्त्रण रेखामा १९७१ मा लागु भएको संघर्ष(युद्ध) विरामको निगरानी गर्छ ।
प्रतिक्रिया