दमौली १८, भदौ । वन तथा भूसंरक्षणमन्त्री शङ्कर भण्डारीले वन जङ्गलको संरक्षणमा जुट्न सबैलाई आग्रह गर्नुभएको छ ।
तनहुँस्थित विमलनगर सिद्धगुफा विकास समितिद्वारा आज यहाँ आयोजित स्वागत एवम् बधाई कार्यक्रममा उहाँले सो कुरा बताउनुभएको हो ।
मन्त्री भण्डारीले कुल भू–भाग ओगटेको ४४ प्रतिशत वन जङ्गललाई संरक्षण र सम्बद्र्धन गर्न सबै लाग्नुपर्नेमा जोडदिदैं विकास निर्माणका काममा सबैले हातेमालो गर्नुपर्ने बताउनुभयो ।
स्थानीय निकाय पुनःसंरचनाका लागि आयोगले सिफारिस गरेका ५६५ मा पुनःविचार गर्न आग्रहगर्दै उहाँले भन्नुभयो, “नगरपालिका र गाउँपालिकालाई सानो सङ्ख्यामा पुनःसंरचना गर्दा जनतालाई विभिन्न किसिमका असुविधा हुन सक्छन्, त्यसैले आयोगले त्यस तर्फ बेलैमा ध्यान पुर्याउनुपर्छ ।”
मन्त्री भण्डारीले मुलुकभित्र देखिएको विद्यमान समस्या समाधान गर्न वर्तमान सरकार कट्टिवद्ध भएर लागेको पनि बताउनुभयो । रासस
प्रतिक्रिया