आफ्नो दलका संयोजकसँग एमालेको छलफल, काम प्रभावकारी बनाउने

काठमाडौँ, १७ भदौ । नेकपा (एमाले) ले व्यवस्थापिका–संसद् मातहतका समितिले आफ्नो काम प्रभावकारी बनाउनुपर्ने विषयमा आज सम्बन्धित समितिमा रहेका आफ्नो दलका संयोजकसँग छलफल गर्यो ।

एमाले संसदीय दलको कार्यालय सिंहदरबारमा पार्टीका कार्यबाहक अध्यक्ष वामदेव गौतमसँग ती संयोजकबीच भएको छलफलमा हालसम्मको कामको समीक्षाका साथै आगामी रणनीतिबारे छलफल भएको दलका प्रमुख सचेतक भानुभक्त ढकालले बताउनुभयो ।

विभिन्न १२ वटा संसदीय समितिमध्ये हाल एमालेले चारओटामा सभापतिको जिम्मेवारी लिएको छ भने अन्य समितिमा रहेका आफ्ना सांसदमध्येबाट त्यस समितिसँग सम्बन्धित कामलाई प्रभावकारी बनाउन पार्टीले एक-एक जना संयोजक तोकेको छ । रासस