काठमाडौं, १ भदौं । प्रधानमन्त्री पुष्पकमल दाहाल प्रचण्डका छोरा प्रकाशलाई ‘छाडा साँढे’ भन्ने नेकपा माओवादी केन्द्रको भातृ संगठन अखिल क्रान्तिकारीकी केन्द्रीय सदस्य सावित्री सुवेदी पार्टीको कारवाहीमा परेकी छन् ।
उनलाई माओवादीले साधारण सदस्य समेत नरहनेगरी निष्कासन गरेको हो ।
माओवादी एकीकरणपछि रामबहादुर थापा ‘बादल’ पक्षबाट अखिल क्रान्तिकारीको केन्द्रीय सदस्य बनेकी सुवेदीले प्रधानमन्त्रीपुत्र एवं प्रधानमन्त्रीका स्वकीय सचिव समेत रहेका प्रकाशलाई लक्षित गर्दै शनिबार सामाजिक सञ्जाल फेसबुकमार्फत लेखेकी थिइन्– ‘एउटीलाई रुवायो, अर्कीलाई बच्चासँगै लत्यायो, अर्काकी अंगालाभरीकी स्वास्नी सगरमाथा चढ्ने निहुँमा भगायो, छाडा छोडेको साँढेले गाइको कहिल्यै रक्षा गर्दैन । ख्याल रहोस् कामरेड ।’
बहुविवाह गरेका कारण प्रकाश बेला बेला विवादमा आउछन् ।
यस्तो छ उनको स्टाटस्ः
प्रतिक्रिया