मैमाना (अफगानिस्तान), १८ साउन । अफगानिस्तानको उत्तरी प्रान्त फर्याबमा मङ्गलबार भएको बम आक्रमणमा परी जिल्ला प्रहरी प्रमुखको मृत्यु भएको प्रहरी स्रोतले जानकारी दिएको छ ।
सो आक्रमणमा अर्का एक प्रहरी अधिकृतले पनि ज्यान गुमाएका छन् ।
खवाजा सबज पोस जिल्लाका प्रहरी प्रमुख सखी दाद असमानी र एक अर्का प्रहरी अधिकारी चढेको गाडी सोमबार राति विस्फोटक पदार्थसँग ठोक्किएर सो घटना भएको उत्तरी क्षेत्रका अफगान राष्ट्रिय प्रहरी (एएनपी)का प्रवक्ता सेयद सर्वार हुसैनीले सिन्ह्वा समाचार समितिलाई जानकारी दिनुभएको छ ।
तालिवान र अन्य सरकार विरोधी तत्वहरुको आक्रमणमा हालका दिनहरुमा अफगान सुरक्षाबलको हताहति सङ्ख्या बढेको बताइएको छ । रासस/सिन्ह्वा
प्रतिक्रिया