काठमाडौं, ९ असार । युवा संघ नेपालका अध्यक्ष राजिब पहारीले वर्तमान सरकारले ल्याएको नीति तथा कार्यक्रम र बजेटले मात्रै देश समृद्ध हुने बताएका छन् ।
विहीबार राष्ट्रिय प्रजातान्त्रिक युवक संगठन नेपालको तेस्रो केन्द्रिय महाधिवेशनलाई सम्बोधन गर्दै अध्यक्ष पहारीले वर्तमान बजेटको विरोध गर्नु भदौमा आँखा फुटेको गोरुले सधै हरियो देख्नुजस्तै भएको बताए ।
आफ्नो सम्बोधनमा उनले भूकम्प पीडितलाई सहयोग गर्ने नाममा जबरजस्ती धर्म परिवर्तन गराउने कामको बिरोध गरे । लोकतन्त्रमा विरोध गर्ने अधिकार सबैलाई रहेको र आवश्यक परे मधेसवादी दलको अनशनमा आफूहरु पाल ओढाएर सहयोग गर्न तयार रहेको उनको भनाई थियो ।
पृथ्वी नारायण शाहको ठूलो योगदानबाट एकीकरण भएको मुलुकलाई बिखण्डन गर्दै फिजीकरण र भुटानीकरणको बाटोमा लान कसैले खोजे आजका युवाहरु चुप लागेर नबस्ने पहारीले चेतावनी दिए ।
वर्तमान सरकारमा उपप्रधानमन्त्री कमल थापाले गरेको कामको प्रंशसा गर्दै उनले प्रधानमन्त्री ओलीकै नेतृत्वमा देश समृद्ध हुने विश्वास व्यक्त गरे ।
प्रतिक्रिया