– शेरबहादुर थापा
मुम्बई, २७ जेठ । भारतको मुम्बईमा एक नेपाली युवाको करेन्ट लागेर मृत्यु भएको छ । कृष्णपुर नगरपालिका– १, निगाली कञ्चनपुर स्थायी घर भएका २२ वर्षीय सन्तोष आउजीको मृत्यु भएको हो ।
करीब ३ महिनादेखि भायन्दरस्थित एक होटलमा हेल्परको काम गर्दै आएका आउजीलाई काम गर्दै गदा बुधबार राति करेण्ट लागेको थियो ।
मृतक आउजीलाई करेन्ट लागेपश्चात तिनवा अस्पताल भायन्दरमा भर्ना गरिएको थियो । यद्यपि चिकित्सकहरूले उनलाई तत्काल मृत घोषित गरेका थिए ।
उनको सोही अस्पतालमा पोष्टमार्टम गरिएको छ । उनको बिहीबार दाहसंस्कार पनि गरिने प्रवासी नेपाली संघ भारतका राज्य सचिव वीएस ओडले बताए ।
मृतकका आफन्त तथा होटल मालिकवीच मृतक आउजीका परिवारलाई राहत स्वरुप चार लाख पच्चीस हजार दिलाउने सहमति भएको राज्य अध्यक्ष कटक शाहीले बताए ।
मृतक सन्तोषका दुई वर्षीय छोरा र श्रीमती छन् ।
प्रतिक्रिया