काठमाडौं । ललितपुरका कुमार सिलवालको अपहरण र शरिर बन्धक मुद्दामा जिल्ला अदालतबाट सफाई पाएका नायक एवम समाजसेवी राज घिमिरेले श्रीमतिको मृगौलाको उपचार गर्न सापटी स्वरुप दिएको साढे तीन लाख रुपैया फिर्ता नगर्ने नियतले आफूलाई फसाउने प्रयास गरेको दावी गरेका छन ।
उनले सो रकम बराबरको बाउन्स चेक समेत सिलवालले आफूलाई पटक पटक दिएर झुक्याएको जानकारी दिए ।
सोमबार रिपोर्टर्स क्लब नेपालमा पत्रकार सम्मेलन गरेर उनले आफूले दिएको सापटी पैसा लामो समय फिर्ता नदिएपछि स्थानीय कफि सपमा बोलाएर फिर्ता दिन आग्रह गरेपछि त्यो पैसा नदिने नियतले अपहरणमा उजुरी दिएर फसाएको भन्दै आफू जस्तो जाने बुझेको मानिसलाई यसरी सहजै फसाईन्छ भने विकट गाँउका यूवाहरुको हालत के होला ? भनि प्रश्न गरे ।
गोदावारी क्षेत्रमा आफूले गरेको सामाजिक क्रियाकालापका कारण आफ्नो बर्चश्व गुम्ने भयले स्थानीय राजनीतिक दलका नेताहरुको प्रभावमा परेर आफूलाई फसाउने प्रयास गरेको दावी समेत गरे ।
घिमिरेले भने, ‘गोदावारीमा लाग्ने १२ वर्षे मेलामा प्रत्येक पटक तीन लाख घाटा देखाएर रकम हिनामिना गर्ने गरिएको थियो । यस वर्ष मेरो नेतृत्वमा आन्दोलन गरेर हामीले ६५ लाख रुपैया संकलन गर्यो । यसले गर्दा भ्रष्टाचार गर्न नपाएका र आफ्नो बर्चश्व गुम्ने भयमा परेकाहरुले षडयन्त्रपूर्वक फसाउन खोजेको हुन ।
उनले आफ्नै मामाको भतिजा समेत रहेको सिलवालले सो रकमबाट सात लाख रुपैया लिएर मौन बस्न गरेको आग्रहलाई आफूले अस्विकार गरेपछि आफूहरु विरुद्ध षडयन्त्र सुरु गरिएको बताए ।
घिमिरेविरुद्ध सिलवालले २०७२ पुस २ गते मुद्दा दायर गरेका थिए जसको फैसला गत बैशाख २९ गते जिल्ला अदालत ललितपुर गरी राज घिमिरेलाई निर्दोष प्रमाणित गरेको थियो । उनले अदालतको न्यायपछि अब आफू फेरि नेपाली चलिचत्र उद्योग र समाजसेवामा निरन्तर लागिरहने प्रतिबद्धता ब्यक्त गरे ।
पत्रकार सम्मेलनमा नेपाल चलचित्र विकास बोर्डका अध्यक्ष राजकुमार राई, नायक एवम निर्माता भानुप्रताप, आशा नेपालकी विमला थापा, अधिवक्ता विजय सिलवाल, नायिका दिपशिखा खड्का, पीडित कैदि बन्दी परिवारका अध्यक्ष जीवन रायमाझी लगायतकाले राजले न्याय पाएकोमा खुसी ब्यक्त गर्दैै उनको भविष्यको सफलताको कामना ब्यक्त गरेका थिए ।
प्रतिक्रिया