काठमाडौं, १४ जेठ । गैरआवासीय नेपाली संघ (एनआरएन)का अध्यक्ष शेष घलेले अष्ट्रेलियामा तिव्र प्रगति गरेका छन् ।
रिपोर्टअनुसार अष्ट्रेलियाका धनाढ्यहरुको सूचीमा रहेका घले र उनकी पत्नी जमुना गुरुङको सम्पत्ति यो बर्ष ५ करोड ८० लाख डलर (करिव ४ अर्ब ४६ करोड रुपैयाँ) ले थपिएको छ ।
शुक्रबार अष्ट्रेलियाको बीआरडब्लु म्यागेजिनले जारी गरेको सन् २०१६ को सूचीमा घले दम्पत्ति कुल ५८ करोड ६० लाख डलर सम्पत्तिसहित सूचीको १०५ औं स्थानमा परेका छन् ।
गत बर्ष सूचीको १०० औं स्थानमा परेका घले दम्पत्तिको सम्पत्ति ५२ करोड ८० लाख अष्ट्रेलियन डलर रहेको थियो ।
सन् १९९० तिर बिद्यार्थीका रुपमा अष्ट्रेलिया पढ्न गएका घले दम्पत्तिले त्यहाँ कठिन संर्घष गरी सफलता हाँसिल गर्दै देशकै धनी व्यक्तिहरुको सूचीमा पर्न सफल भएका हुन् ।
एमआइटी ग्रुप होल्डिङमार्फत् घले दम्पत्तिले शिक्षा र रियलस्टेट क्षेत्रमा लगानी गरिरहेका छन् ।
उनको नेपालमा पनि लगानी छ । उनकै लगानीमा काठमाडौंमै अग्लो शेराटन होटल निर्माण भइरहेको छ ।
प्रतिक्रिया