काठमाडौं, १३ जेठ । ३ साताअघि महेन्द्रनगरस्थित संगम होटलका २ कामदारको हत्या सहकर्मीसँगको विवादले भएको खुलेको छ ।
बुधबार घटनाका मुख्य आरोपी सार्वजनिक भएपछि प्रहरीले घटनाको कारण खुलाएको हो । कान्तिपुर दैनिकले समाचार छापेको छ ।
प्रहरीले १८ वर्षीय तारासिंह बोहरालाई बुधबार पत्रकार सम्मेलनमार्फत सार्वजनिक गरेको छ ।
बोहोराले हसिँया प्रयोग गरी हत्या गरेको वयान दिएका छन् ।
होटलमा कार्यरत मजदुर कृष्ण विष्ट र भीमबहादुर रोकायाको वैशाख २३ गते हत्या भएको थियो ।
बोहराले केटी साथीको नम्बर रोकायालाई दिएपछि उनीहरुबीच फोनमा कुरा हुने गर्दथ्यो ।
बोहराले केटी साथीको मेमोरी कार्ड र तस्बिर लुकाएपछि मनमुटाव भएको थियो ।
प्रतिक्रिया