काठमाडौं, २३ फागुन । नेकपा एमालेका वरिष्ठ नेता माधवकुमार नेपालको आज ६४ औं जन्मदिन परेको छ ।
जन्मदिन मनाउन पूर्व प्रधानमन्त्री समेत रहनुभएका नेता नेपाल आइतबार विहानै प्रधानमन्त्री निवास बालुवाटार पुग्नुभएको थियो । जहाँ पार्टीका शीर्ष नेताहरुमाझ जन्मदिन मनाउनुभयो । पूर्वप्रधानमन्त्री नेपालको जन्म विसं २००९मा आजकै दिन रौतहटमा भएको हो ।
बालुवाटारमा पार्टी अध्यक्ष एवं प्रधानमन्त्री केपी शर्मा ओलीले नेता नेपाललाई ‘ह्याप्पी वर्थ डे’ भन्दै केक काट्नुभयो त्यसपछि सबैभन्दा पहिला नेपाललाई खुवाउनुभयो । केक खुवाउन कार्यालय सचिव कृष्णगोपाल श्रेष्ठले साथ दिनुभयो ।
जन्मदिन मनाउन एमाले उपाध्यक्ष भीम रावल र युवराज ज्ञवाली, सहमहासचिव विष्णु पौडेल, सचिव प्रदीप ज्ञवाली, ओलीका सहयोगी इन्द्र भण्डारी लगायत उपस्थित हुनुहुन्थ्यो ।
यसैबीच नेता नेपाललाई जन्मदिनको शुभकामना दिने शुभचिन्तकहरुको घुइचो नै लागेको छ ।
प्रतिक्रिया