कोइराला पछि अर्का नेताको पनि निधन

कलैया, २८ माघ । नेपाली कांग्रेसका सभापति सुशील कोइरालाको निधन भएको एक दिनपछि एक जना अर्का नेताको निधन भएको छ ।

पूर्वसांसद एवं कम्युनिष्ट नेता सोहनप्रसाद चौधरीको काठमाडौँमा उपचारका क्रममा मङ्गलबार निधन भएको हो ।

कम्युनिस्ट आन्दोलनका अगुवा, स्वच्छ र इमान्दार नेता बारा गडहल–५ निवासी ६९ वर्षीय चौधरी विसं २०४८ साल र ०५६ सालको संसदीय निर्वाचनमा नेकपा (एमाले) बाट बारा क्षेत्र नं २ बाट निर्वाचित हुनुभएको थियो ।

चौधरीको मधुमेह रोगबाट पीडित भई लामो समयदेखि त्रिवि शिक्षण अस्पताल काठमाडौंमा उपचार भइरहेको थियो । रासस