काठमाडौँ, २४ माघ । उपराष्ट्रपति नन्दबहादुर पुन नेपाली सेनाको वीरेन्द्र सैनिक अस्पतालबाट निवास फिर्ता हुनुभएको छ ।
शनिबार एक्कासी स्वास्थ्यमा समस्या आएपछि सैनिक अस्पताल छाउनीमा भर्ना हुनुभएका उपराष्ट्रपति पुनलाई चिकित्सकले निवासमा नै आराम गर्न सुझाव दिएका छन् ।
उपराष्ट्रपति पुनका छोरा दीपेशका अनुसार चिकित्सकले नै निरन्तर परीक्षण गर्नेगरी आज उपराष्ट्रपति पुनलाई निवास ल्याइएको हो ।
सिन्धुलीमा आयोजित तेम्बा सांस्कृतिक कार्यक्रममा सरिक हुन जानुभएका उपराष्ट्रपति पुन अचानक अस्वस्थ हुनुभएपछि सेनाको हेलिकप्टरबाट शनिबार साँझ काठमाडौँ ल्याई छाउनी अस्पतालमा भर्ना गरिएको थियो । रासस
प्रतिक्रिया