काठमाडौं २१ माघ । २३ वर्षपछि अन्तर्राष्ट्रिय उपाधि जित्ने नेपाली राष्ट्रिय फुटबल टिमले अर्काे प्रगति गरेको छ ।
विश्व फुटबल (फिफा) वरियतामा नेपाल ८ स्थान माथि उक्लिएको हो । विहीबार फिफाद्धारा सार्वजनिक वरियता तालिकामा नेपाल १ सय ८८ औं स्थानमा आइपुगेको छ ।
यसअघि भारतमा भएको दक्षिण एशियाली खेलकुदमा श्रीलंका र भारतसँग पराजित भएसँगै १ सय ९६ औं स्थानमा झरेको नेपालले बंगलादेशको बंगबन्धु कपमा गरेको उत्कृष्ट प्रदर्शनले वरियतामा माथि उक्लिएको हो ।
त्यसैगरी, दक्षिण एसियाली राष्ट्रमा नेपालले श्रीलङ्का र भुटानलाई भने पछाडि पारेको छ ।
श्रीलङ्का एकस्थान तल झर्दै १८९ औैँ स्थानमा छ भने समान एकस्थान तल झरेको भुटान १९३ औँ स्थानमा छ ।
दक्षिण एसियामा शीर्ष स्थानमा रहेको अफगानिस्तान १५४औं स्थानमा छ भने माल्दिभ्स १५७औँ, भारत १६२औँ, बङ्गलादेश १७७औँ र पाकिस्तान १८५औँ स्थानमा छन् ।
फिफा बरियताको शीर्षस्थानमा भने बेल्जियम यथास्थानमा छ भने अर्जेन्टिना, स्पेन, जर्मनी क्रमशः दोस्रो तेस्रो र चौथो स्थानमा छन् ।
हेर्नुस तालिकाः
प्रतिक्रिया